Убаастабыллаах Юрий Степанович, Горнай улууһун ветеринарнай сулууспа үлэһиттэрэ, бэтэрээннэрэ!

«Горнай улууһа» муниципальнай оройуон дьаһалтатын уонна тус бэйэм ааппыттан Эһигини Горнай улууһугар ветеринарнай сулууспа тэриллибитэ 90 сыллаах өрөгөйдөөх үбүлүөйгүтүнэн итиитик-истиҥник эҕэрдэлиибин! Ветеринарнай сулууспа үлэтэ тыа хаһаайыстыбатын тутаах хайысхатынан буолар. Эһиги сүөһү доруобуйатын көрүүннэн эрэ муҥурдаммакка, киһи-аймах бүтүннүүтүн доруобуйатыгар ахсаабат көмөнү оҥорон, туруулаһан үлэлиигит. Маннык улахан эппиэтинэстээх соругу толорууга улуус ветеринарнай сулууспатын үлэһиттэрэ тиһигин быспакка бэлэмнэнэн, эбии үөрэнэн, идэҕитинэн билиигитин хаҥатаҕыт, кэми кытта тэбис тэҥҥэ хардыылыыгыт. Айылҕа оҕолорун доруобуйалара этэҥҥэ буоларын туһугар үгүс үлэни ыытаҕыт. Эмчитэ суох табылыллыбаппытын курдук, бэтэринээрэ суох табыллыбаппыт. Улууспут бэтэринээрдэрин бары үлэһиттэрин идэлэригэр бэриниилээх, сыралаах үлэлэрин, айылҕаны, кыыллары-көтөрдөрү харыстааһыҥҥа, чэбдигирдиигэ ыытар үлэҕитин астына, бэлиэтии көрөбүн. Улуус олоҕор биир эрэллээх, кыахтаах, кыанар тэрилтэ буоларыгар бары ытык бэтэрээннэргэ, үлэһиттэргэ дириҥ махталбын тиэрдэбин. Үйэ тухары үлэттэн илиигитин араарбаккаҕыт, ыарахантан толлубаккаҕыт, сымсах, чэпчэки үлэни сырсыбаккаҕыт, идэҕитигэр толору бэриниилээх үлэлээн кэллигит. Биир сомоҕо күүс буоламмыт биир дойдулаахтарбыт өбүгэ саҕаттан илдьэ кэлбит баайбытын  сүөһүтүн, сылгытын ыарыыларга ылларбакка, энчирэппэккэ ветеринарнай сулууспа Горнай улууһун үрдүк аатын бөҕөргөтө, үйэтитэ туруоҕа диэн эрэнэбин! Эһиэхэ чэгиэн доруобуйаны, этэҥҥэ буолууну, барытыгар табыллыыны уонна дьолу-соргуну баҕарабын.

Улуус баһылыга Никита Андреев