25 ноября 2022
Бүгүн Аһымаҕа ытыктабыллаах улууспут тыа хаһаайыстыбатын уонна астыыр – таҥастыыр салааҕа өр сылларга үлэлээбит дьоммутугар уонна үлэлии-хамсыы сылдьар туруу үлэһиттэрбитигэр идэлээх бырааһынньыгынан эҕэрдэлиир тэрээһин буолла. Бу тыа сиригэр олорор, сүөһү иитиитигэр, сиртэн үүнээйини ылыыга, тыа хаһаайыстыбатын бородууксуйатын оҥорон таһаарыыга ыарахаттартан толлубакка, сыралаһан үлэлиир дьону түмэр, сомоҕолуур бэлиэ бырааһынньык. Тэрээһиҥҥэ эҕэрдэ тыла этилиннэ, чиэстээһин буолла. Кыттыыны ыллылар улуус баһылыга Никита Андреев, СӨ тыатын хаһаайыстыбатын миниистирин солбуйааччы Николай Афанасьев, Кировскай нэһилиэгин баһылыга Савва Данилов, Горнай улууһун тыатын хаһаайыстыбатын управлениетын начальнига Валерий Дьяконов.