Бэрдьигэстээх дьаһалтата уонна Мытаахтааҕы музей-галерея улуус дьаһалтатын кытары сэттэ музейы көрүүгэ межбюджетнай үбү көрөргө сөбүлэҥ түһэристилэр.

Бэрдьигэстээх нэһилиэгэр — Кэптин, Маҥаны , Бэс-Күөль, Күөрэлээх, Аһыма музейдарын отделлара Бэрдьигэстээх музейдарын отделларыгар киирсиэхтэрэ. Мытаахха — Солоҕон уонна Маҕарас отделлара.

Иккис түһэрсибит сөбүлэҥ чэрчитинэн Улуус культураҕа уонна духуобунай сайдыыга управлениета нэһилиэктэри кытары үлэ туһунан, материально-техническай базаларын көрүүгэ диэн буолла.

Сөбүлэҥ чэрчитинэн, туруорсуу быһыытынан музей үлэһитин штата көрүллэн, олохтоох музейдары сөргүтүүгэ, онно киирэр экспонаттары харыстааһыҥҥа, экспозиционнай туруоруулары, выставкалары тэрийиигэ араас хабааннаах үлэлэр ыытыллыахтаахтар. Эбии үп-харчы  көрүллэн нэһилиэк историятын чинчийэргэ, олорон ааспыт өбүгэлэрбитин үйэтитэргэ, төрөөбүт кыраайбытын үөрэтэргэ, бу эйгэҕэ тиһигин быспакка үлэ хайысхата сайдарыгар  кыах бэрилиннэ, олук уурулунна.