22 февраля 2023

Горнай улууһугар аан маҥнайгыннан приемнай дьиэ кэргэн быһыытынан оҕолору иитэ ылбыт Мытаах нэһилиэгин олохтооҕо Павлова Надежда Семеновна 65 сааһын туолар үбүлүөйдээх бэлиэ күнүнэн улуус баһылыгын солбуйааччы Павел Петров, улуус дьаһалтатын опекаҕа специалиһа Саргылана Дьячковская төрөөбүт күнүнэн эҕэрдэлээтилэр. Павловтар дьиэ кэргэн 2007 сылтан ыла 3 бииргэ төрөөбүттэри иитэн-такайан улаатыннарбыттара. Кинилэр билигин номнуо улахан дьон буолан үөрэхтэнэн, үлэлэнэн, ыал буолан этэҥҥэ олороллор. Надежда Семеновна күн бүгүн 4 сокуоннай сааһын туола илик оҕолору иитэн олорор, ону таһынан оҕолору эрэ кытта буолбакка, кинилэр төрөппүттэригэр эмиэ көмөлөһөр. Билигин 9 оҕо эбээтэ, 1 оҕо хос эбээтэ.