Тохсунньу 31 күнүгэр «Горнай улууһа» муниципальнай оройуон депутаттарын Сэбиэтин 33 сессиятын мунньаҕа ыытылынна.

Депутаттар 5 боппуруоһу көрдүлэр:

1. Сессия мунньахтарын видеоконференцсвязь көмөтүнэн ыйыллыбыт түгэннэргэ (ыксаллаах быһыы-майгы бириэмэтэ, байыаннай балаһыанньа, харантыын бириэмэтэ уонна онтон да атыттар) ыытыахха сөбүн туһунан улуус устаабыгар уларытыылары киллэрдилэр. Уларытыылар государственнай регистрацияны ааспыттарын кэнниттэн регламеҥҥа уларытыылары кииирэллэрэ уонна видеоконференсвязь көмөтүнэн сеесия мунньахтарын ыытыы туһунан докумуон (балаһыанньа) оҥоһуллуохтааҕа ыйылынна.

2. 2023 с. улуус бүддьүөтүгэр уларытыылары киллэрдилэр. Ол түмүгэр улуус 2023 с. бүддьүөтүн дохуоттаах чааһа 2,5 млрд. солк. таҕыста, ороскуоттаах чааһа – 2,6 млрд. таҕыста, дефицит – 99 млн. таҕыста. Боппуруоһу көрүү кэмигэр Хонтуруоллуур-суоттуур уорган ыйыытынан тахсыбыт алҕастар көннөрүлүннүлэр.

3. Улуус баһылыга Андреев Н.В. 2023 с. бэйэтэ уонна улуус дьаһалтата ыыппыт үлэтин туһунан отчуотун иһиттилэр уонна боппуруостар, этиилэр кэнниттэн отчуоту ылыннылар. Боппуруос 2,5 чаас көрүлүннэ.

4. «Горнай улууһа бочуоттаах гражданина» бочуоттаах ааты Горнай улууһун 4 олохтооҕор иҥэрдилэр. «Горнай улууһа бочуоттаах гражданина» бочуоттаах аат туһунан балаһыанньаҕа уларытыылары киллэрэргэ  уолдьаспытын бэлиэтээтилэр уонна кэлэр өттүгэр Горнай улууһун дьаһалтатын наҕараадалыыр хамыыһыйатын үлэтин тупсарарыгар сорудахтаатылар.

5. «Булт уонна булт ресурсаларын харыстааһын туһунан»  СӨ Сокуонун 11-с ыстатыйатыгар уларытыылары киллэрии туһунан СӨ Сокуонун барылын көрдүлэр уонна СӨ Ил Түмэнигэр улуус аатыттан этиилэрин ыытарга быһаарыыны ыллыллар.