13 января 2023

Үтүө үгэскэ кубулуйбут сылын аайы ыытыллар Улуус баһылыгын «Үтүө санаа харыйата» тэрээһин бүгүн М.С. Егоров аатынан сынньалаҥ кииҥҥэ ыытылынна. Бу күн доруобуйаларынан хааччахтаах, элбэх оҕолоох дьиэ кэргэттэргэ, тулаайах оҕолорго ананан тэрилиннэ. Улуус кырачааннара маскарад таҥнан бэлэмнэнэн кэлбиттэр. Тэрээһиҥҥэ улуус оҕолорун Никита Викторович Андреев эҕэрдэлээтэ. Культура үлэһиттэрэ , оҕолор ылбаҕай ырыалары, үҥкүүнү, сценкалары көрдөрөн тэрээһиммитин киэргэттилэр. Тымныы Моруос оҕонньоро, Хаарчаана Горнай улууһун оҕолорун, дьонун-сэргэтин кэлэн иһэр Саргылаах Саҥа дьылынан эҕэрдэлээн туран оҕолорго бэлэхтэри түҥэттилэр. Благотворительнай көмө акцияҕа амарах санаалаах бары спонсордарбытыгар, дьоммутугар — сэргэбитигэр барҕа махтал тылларбытын биллэрэбит!