«Горнай улууһа» муниципальнай оройуон дьаһалтатын уонна тус бэйэм ааппыттан Эһигини Горнай улууһугар ойуур хаһаайыстыбата  тэриллибитэ 80 сыллаах өрөгөйдөөх үбүлүөйгүтүнэн итиитик-истиҥник эҕэрдэлиибит.

 Улууспут ойуурун хаһаайыстыбатын бары үлэһиттэрин идэлэригэр бэриниилээх, сыралаах үлэлэрин,  айылҕаны, тулалыыр эйгэни харыстааһыҥҥа, баай хара тыаны араҥаччылааһыҥҥа ыытар үлэҕитин астына бэлиэтиибит, киэн туттабыт.

Ойуур баайын хаҥатыыга, ону таба туһаныыга уонна эбии үүннэриигэ сүрүн оруолу ылаҕыт. Эһиги быһааччы салайыыгытынан тыаны харыстааһыҥҥа биһиэхэ сүктэриллибит соруктары ситиһиилээхтик толоробут, көдьүүстээх үлэ, дойду ойуурун комплексын салгыы сайыннарыы тирэҕэ буолар акылааты уурабыт.

Горнай улууһа сайдарыгар өрүү ылыннарыылаах сүбэҕитинэн, баай уопуккутун үллэстэн күүс-көмө буоларгытынан тус кылааккытын үрдүктүк сыаналыыбыт, махтанабыт. Эһиэхэ чэгиэн доруобуйаны, этэҥҥэ буолууну, барытыгар табыллыыны уонна дьолу-соргуну баҕарабын.