Уһук Илиҥҥи гектары ылбыт дьон истиитигэр

31 января 2023

Ахсынньы 29 күнүгэр 2022 сылга Госдуманнан Уһук Илиҥҥи гектар сокуонугар уларыйыылар киирбиттэрэ. Манна этиллэринэн сроктара ааспыт дуогабардаах дьон кулун тутар 1 күнүгэр эрэ дылы бас билиигэ эбэтэр арендаҕа ылар бырааптаахтар. Бу 2016-2018 сылларга ылбыт сирдээх дьоҥҥо туһаайыллар. Өскөтүн кулун тутар 1 күнүгэр дылы сайабылыанньа биэрбэтэхтэринэ дуогабардара тохтообутунан ааҕыллар.

Биһиги улууспутугар бу сокуонунан 332 киһи сир ылбыта, мантан 43 сроктара туолан бас билиигэ ылбыттара. Билиҥҥи туругунан болдьоҕо ааспыт 103 дуогабар баар, бу дьоҥҥо барыларыгар иһитиннэриилэр электроннай почталарыгар бардылар. Маны этэн туран болдьоҕо бүппүт дьон уполномоченнай уоргаҥҥа эбэтэр электронно ФИС «НаДальнийВосток.РФ» сайт нөҥүө сайабылынньа ыытаргытыгар.

Бу сокуонунан сиргитин сыалынан уонна сөптөөхтүк туһаммыт буоллаххытына, бас билиигэ эбэтэр арендаҕа ылбыт буоллаххытына өссө биирдэ эбии бу сокуонунан ылар бырааптанаҕыт. Бу маннык уларыйыы 2021 сыллаахха атырдьах ыйыгар киирбитэ.

Сиһилии информацияны, докумуону П.Д.Аввакумов кииннэммит библиотечнай ситимҥэ «Оказание правовой помощи» түннүк нөҥүө билсиэххитин сөп. Ул.Ленина 8А, тел. 4-20-27

Эбэтэр сир сыһыаннаһыыларын управлениетыгар — Улуус дьаһалтата, Ленина 8, 109 кабинет, 1 этээс, телефон 4-28-00

Кэпсээтэ — сир сыһыаннаһыыларын начальнига Маргарита Чемезова.