4 октября 2022

Биир нэдиэлэ анараа өттүгэр тутуллан саҕаламмыт дьиэ бүгүн номнуо акылаата, көҥдөйө, истиэнэлэрэ, хоруобуйата тутуллан үлэтэ номнуо түмүктэннэ. Дьиэни үтүө дьыала быһыытынан буор босхо тутуу үлэһиттэрэ Дмитрий Григорьев, Павел Павлов, Семен Дьячковский уонна Михаил Решетников буолан туттулар. Биригээдэ бу дьиэни Саха АССР тэриллибитэ 100 сылынан, ону тэҥэ Саха норуотунай суруйааччыта Софрон Петрович Данилов төрөөбүтэ 100 сылыгар уонна буолаары турар учууталлар күннэригэр сиэттэрэн үөрэх эйгэтин эдэр учууталларыгар, биэс оҕолоох — Алена, Гаврил Григорьевтарга тутан биэрдилэр. Дмитрий Дьячковский тутуу матырыйаалын биэрбитигэр, урбаанньыт Федор Попов акцияны өйөөн аһынан көмөлөспүтүгэр, Владислав Колесов соһуллар көлүөһэлээх үлэһиттэр бууткалары туттарбытыгар улахан махталларын тиэртилэр. Элбэх оҕолоох дьиэ кэргэн уолаттарга махтала муҥура суох.