5 сентября 2022

Бүгүн балаҕан ыйын 2 күнүгэр Аан дойду иккис Улуу сэриитэ түмүктэммит күнүн бэлиэтии Улуус баһылыга Никита Викторович Андреев Аҕа Дойду Улуу сэриитин бэтэрээнигэр, Горнай улуус Солоҕон нэһилиэгин олохтооҕор 101 саастаах Михаил Михайлович Дьячковскайга 1 000 000 солк сууммаҕа «Премия главы» диэн анал сертификаты туттарда. Михаил Михайлович 1943 сыллаахха сэриигэ ыҥырыллан 94 стрелковай дивизияҕа автоматчигынан сулууспалаабыта. «За боевые заслуги», «За победу над Японией» диэн мэтээллэринэн уонна Аҕа Дойду Улуу Сэриитин 2 степень уордьанынан наҕараадаламмыт Улуу бэтэрээммит буолар. Ытык Бэтэрээммит эйэлээх олоҕу уһансыбытыгар, дойдутун туһугар турууласпыт быһыытын умнубаппыт, махтанабыт уонна киэҥ туттабыт!