3 ноября 2022

Бүгүн, сэтинньи 3 күнүгэр Маҕараска “Аартык” түөлбэҕэ сынньалаҥ мини-парк тутуллан үөрүүлээх аһыллыыта буолла. Тутуу «Уһук-Илиҥҥэ 1000 тиэргэн» федеральнай бырагыраамма чэрчитинэн ыытылынна. Нэһилиэк сайдарыгар улахан, күүстээх үлэ ыытыллан араас саастаах дьон сынньанарыгар, спордунан дьарыктаналларыгар воркаут сирдээх, амфитыйаатырдаах, оҕолорго былаһааккалаах паарка аһыллан нэһилиэк көстүүтэ тупсан, киэркэйэн, нэһилиэнньэҕэ өссө биир туһалаах эбийиэк тутулунна. Үлэ Маҕарас дизайн-куодугар сиэттэрэн оҥоһулунна. Бырайыак ааптара — Айталина Брызгалова, Nomado архитектурнай бюро салайааччыта. Бэдирээччик — ООО «Охонос» тэрилтэ. Мини – паарканы арыйыы аалай лиэнтэтин улуус баһылыгын э.т. Алгыс Стручков, Одуну нэһилиэгин муниципальнай тэриллии баһылыга Владимир Текеянов, «Охоноос» тэрилтэ салайааччыта Василий Оконосов дохсун ытыс тыаһын ортотугар быстылар.