21 октября 2022

Бүгүн Одуну нэһилиэгэр олорор тыа сирин олохтоохторугар дьиэлэрин сылаас ууннан хааччыйар соруктаах тупсарыы үлэтэ ыытыллан өрөгөйдүүр үөрүүлээх күнүн бэлиэтиир тэрээһин ыытылынна. Быйыл Одуну нэһилиэгэр СӨ ОДьКХ судаарыстыбыннай унитарнай тэрилтэтин «чааһынай дьиэлэри ититии ситимигэр холбуур бырагыраамматынан» Лесная уулуссаҕа 10 дьиэҕэ, ону таһынан «Туллукчаана» оҕо сайдар киинигэр уонна Мира 12 элбэх кыбартыыралаах дьиэҕэ тымныы уу ситимигэр холбонуу,благоустройство үлэлэрэ ыытылыннылар. Тэрээһиҥҥэ кыттыыны ыллылар: Улуус баһылыгын бастакы солбуйааччы Алгыс Стручков, Одуну нэһилиэгин муниципальнай тэриллии баһылыга Владимир Текеянов, Республикатааҕы олоҕу-дьаһаҕы, коммунальнай хаһаайыстыбаны хааччыйар тэрилтэ производственно-техническэй управлениетын начальнига Павел Емельянов, ОДьКХ Горнайдаа5ы филиалын директора Семен Колесов, үлэһиттэр уонна ыҥырыылаах ыалдьыттар.