10 января 2023

Бүгүн улуус баһылыга нэһилиэктэр баһылыктарын кытары быйылгы сылга бастакы көрсүһүүтэ буолла. Мунньах улууска биллэриллибит «Год благоустройства» уонна өрөспүүбүлүкэҕэ «Год труда» тула ааста. Ааттаммыт сыллар чэрчилэринэн үүммүт 2023 сылга туох үлэ былааннаахтык ыытыллыахтааҕын сүбэлэстилэр. Баһылык улуус приоритетнай хайысхаларын — тыа хаһаайыстыбатын, урбааны уонна туризмы сайыннарарга этиилэри киллэрэргэ көрдөстө.