Күн иккис аҥарыгар отчуоттуур бөлөх Орто-Сурт олохтоохторугар тиийэн ааспыт сылга ыытыллыбыт үлэни кытары билиһиннэрдэ.

Мунньустубут дьон уу ситимин тардыытын үлэтэ салгыы барара буоллар диэн этиилэрин киллэрдилэр. «Кииннэммит уу ситимэ тардыллар буоллаҕына — олохтоохторго биир кэлим тариф олохтоноро нэһилиэнньэҕэ барыстаах буолар» диэн хоруйдаатылар. Салгыы бу үлэ былааннаахтык барарын мэктиэтээтилэр.

Улуус киин балыыһатын главнай бырааһа Егор Григорьевтан эмп тоҕо бөһүөлэккэ кэлэн испэтин, инбэлиит дьоннор эмп биэриитэ уустуктардааҕын уонна «плановай» эпирээссийэни хайдах оҥороллорун туоһуластылар.

Тыа хаһаайыстыбатын салайааччыта Валерий Дьяконовтан субсидиялаах уотурба нэһилиэктэргэ эбии кэлэрин ыйытыластылар.

«Озерная» уулусса суола оҥоһулларын олохтоохтор туруорустулар, уот ситимэ СИП провод көһөрүүтүн, «Көтөт» сайылыкка уот ситимин тардыы өттүгэр үлэни, гаас киирэрин ыйыттылар. Санаторно-курортнай эмтэниини улууска олохтуурга этии киллэрдилэр.

«Көтөт» быйыл уота тардыллар, сип проводы 2023-2024 сс. «Якутскэнерго» ыытар былаана бигэргэтиллибитин иһитиннэрдилэр.

Орто-Сурт суолугар «Придорожный сервис» өҥөтүн сайыннаран күүскэ үлэбитин тохтоппокко салҕыахпытын наада диэн улуус баһылыга олохтоохторго сүбэ-ама биэрдэ.

Улууска «Благоустройство» сылыгар түмсүүлээх үлэни ыытарга дьулуһуохха диэн көрсүһүүнү түмүктээтэ.