Маҥаныга бырабыыталыстыба нэһилиэнньэ иннигэр отчуота

7 февраля 2023

Бүгүн Орто-Суртка 40 олохтоох көрсүһүүгэ кэлэн отчуотка кытынна. Олохтоохтор сжиженнай гааһы киллэрэргэ этии киллэрдилэр, нэһилиэккэ баһаар содулуттан трактор ДТ көрүллэрин туруорустулар.

Эмп сыаната наһаа ыарахан, харах хааппыллата тоҕо кэлбэтин, эминэн хааччыйыыны, өртөөһүҥҥэ сокуон тоҕо ылыллыбатын, СИП проводы тардыы үлэтэ төһө өр ыытылларын, ОдьКХ өттүттэн водоочистной станцияҕа үп көрүллэрин туоһуластылар.

Кэнники ыччат тоҕо аахпатый? Үөрэх министерствота ону толкуйдуур дуо? Оскуолабыт федеральнай капремонт бырайыакка киириэ дуо? — диэн боппуруостар Феодосия Габышеваҕа киирдилэр.

«Балаҕаннаах» сайылыкка уот ситимэ, суол суох. Оҥоһуллуо дуо? диэн Ольга Рафаиловаттан ыйыттылар. «Ону толкуйдуохпут, көрүөхпүт. Сайаапка толоруллуохтаах» — диэн иһитининнэрдэ.

Орто сурт чэрчитигэр федеральнай суол асфальтанарыгар, Луҥха федеральнай суолу туоруур күргэ тутулларыгар, 4G мобильнай связь, интернет киирэригэр, бюджетка эбии үп көрүллэригэр баҕа санааларын эттилэр.

Многофункциональнай киин, клуб тутуллара буоллар, Бүлүү эҥэртэн кэлбит оптоволокно ситимэ быстыбакка үлэлииригэр, нэһилиэккэ 100% ититии ситимэ киирэригэр баҕа санааларын эттилэр.

Отчуотка киирбит туруорсуулар төһө туолбуттарын, кыаллыбатах буоллаҕына тоҕо сатамматаҕын отчуот кэмигэр былырыыҥҥыны кытары тэҥнээн кэпсииллэригэр көрдөстүлэр.

Этиилэр салгыы протоколга тиһиллэн анал министиэристибэҕэ тиийиэҕэ диэн эрэннэрдилэр.