7 февраля 2023

Бүгүн отчуоттур бөлөх бырабыыталыстыбата Одуну нэһилиэгэр үлэлээтэ. Уопсайа 52 киһи көрсүһүүгэ кыттыыны ылла.

Нэһилиэк олохтоохторо музей, клуб, оҕо уһуйаана дьиэлэригэр сылаас буоларыгар ремонт ыытылларыгар өйүүргэ көрдөстүлэр. Саҥа котельнай тутуутун, «Өркөн» түөлбэҕэ саҥа котелы уонна амбулаторияҕа стационар үлэлиирин туруорустулар.

Тулаайахха бэриллиэхтээх дьиэни, сүөһү иитэргэ сири, гаас киириитин, тайахха булт болдьоҕо тохсунньу 10 күнүгэр дылы уһуура сыыһатын, сэтинньиннэн хааччахтаныан наадатын уонна куобах бултуурга көҥүл баар буоларыгар диэн этиилэр киллэрдилэр.

Нэһилиэккэ биллиилээх спорт чемпионнара, Одунулар спордунан дьарыктаныыга өрүү инникибит диэн саҥа спортзал тутулларыгар баҕа санааларын эттилэр.

Искусственнай ардаҕы сотору-сотору түһэрбэттэрэ буоллар, сжижженнай гааска газгольдерга холбоммут ыалларга төлөбүрүгэр возмещение, субсидияны олохтуурга көрдөстүлэр.

Ититии систематыгар шайбирование тоҕо оҥоһулларын, сүөһүнү тутууга субсидияны ыйыттылар, Саха ынаҕын элбэтэргэ үлэни күүһүрдэргэ ыҥырдылар.

СВОҕа республика таһымыгар, Уһук Илиҥҥи региоҥҥа дьон аҕыйаҕынан уолаттарбытын ыыпат сатанар дуо диэн этии тартылар.

Маҕараска биатлон, хайыһар сайдыытыгар тугу эмит тутарга, саҥа хотон тутуутугар баҕардылар.