28 декабря 2022

Октябрьскай нэһилиэгин биир киэн туттар ыччата, анал байыаннай эппэрээссийэҕэ Аҕа дойдутун чиэһин туһугар ытык иэһин толоро, бэриниилээхтик көмүскүү сылдьан Украинаҕа кырыктаах кыргыһыыга эдэркээн олоҕун толук уурбут хорсун буойун уолбут ТАТАРИНОВ ЕГОР ЕВГЕНЬЕВИЧ сырдык тыына быстыбытынан ийэтигэр — Ойуун Ууһа Ил Иитэ Бэлиэчэй Кыыһыгар, эдьиийдэригэр, балтыларыгар, бырааттарыгар, чугас аймахтарыгар, оскуолаҕа бииргэ үөрэммит табаарыстарыгар, биир дойдулаахтарбытыгар — барыларыгар хараастан туран, дириҥ хомолтобутун, кутурҕаммытын тиэрдэбит. Идэтийбит анал рота разведчик-пулеметчига, расчет командира, младшай сержант Егор дьоруойдуу охтубутун кэннэ РФ Оборонатын Министрэ Сергей Шойгу анал ыйааҕынан «Орден Мужества» (Эр санаалаах буолуу)» уордьанынан наҕараадаламмытын иһитиннэрэбит. Бастыҥ ыччаппыт дойдутун туһугар көрдөрбут хорсун-хоодуот быһыыта Саха дьонугар, биһиэхэ, биир дойдулаахтарыгар өрүү үтүө холобур буолан сырдык аата үйэлэргэ умнуллуо суоҕа.