Бүгүн отчуоттуур бөлөх Орто-Сурт, Маалтааны хайысханнан сылдьар. Кэптиҥҥэ ааспыт сыл түмүгүн 41 киһи кэлэн иһиттэ.

Дакылааты тэрилтэ салайааччылара — ОДьКХ, киин балыыһа, сир сыһыаннаһыылара, архитектура уонна тутуу, тыа хаһаайыстыбатын салайааччылара билиһиннэрдилэр. Отчуот кэннэ олохтоохтор кыһалҕаларын туруорустулар.

Нэһилиэк туруорсар кыһалҕата — котельнай, суол тутуута, оҕо уһуйаана уонна клуб иһэ тымныыта.

Олохтоохтор котельнайга биир оһох буолбакка, икки оһох саҥардылларыгар эттилэр, котельнай күрүөлэнэрин ирдэстилэр, ОДьКХ үлэһитигэр ититии графигын туоһуластылар.

Оҕо уһуйааныгар түннүктэри уларытыыга, спортзалга аана улларыйыан наадатын эттилэр. Саҥа балыыһа амбулаториятыгар быраас көрүллэрин уонна быйыл оскуола капитальнай өрөмүөнүгэр көҥдөйүн тутуутугар болҕомотону уурарга көрдөстүлэр. Итии уу барар турбаларын туруорустулар. От тиэйэбит, субсидия көрүллэр дуо? диэн биирдиилэн боппуруостарын ыйыттылар.

Сайын устата суол суоҕунан Кэптин — Орто-Сурт хайысханнан трекол сырыыта олохтонуо диэн олохтоохторго иһитиннэрдилэр.