7 июня 2024

Санатан эттэххэ, бэс ыйын 6-8 чыыһылаларыгар, Кэбээйи улууhун Кэбээйи нэhилиэгэр өрөспүүбүлүкэтээҕи ыччат ТАБЫС бэстибээлигэр Горнай улууhуттан уопсайа 52 киһилээх 2 хамаанда кыттыыны ыла бардылар. Улуус хамаандатыгар уопсайа 22 ыччат, Одуну нэhилиэгин «Эрэл» ыччат түмсүүтүн хамаандатыгар 30 ыччат кыттыыны ылар.

«Табыс» диэн тыл таптаа, алҕаа, байыт ытык сиргин диэн суолталаах. Тэрээһин үтүө үгэһи үйэтитэргэ, ыччаты дойдуга бэриниилээх буолууга иитэргэ туһуланар.

Улуустар икки ардыларынааҕы күрэхтэһии сүрүн бирииһинэн «УАЗ» массыына буолар. Уопсастыбаннай түмсүүлэр икки ардыларыгар сүрүн бириис — 1 мөл.солк. Успуорт көрүҥнэригэр күрэхтэһии национальнай көрүҥнэргэ ыытыллыаҕа.

Ону сэргэ «Ыччат лидера», «Мисс уонна Мистер Табыс» диэн куонкурустар ыытыллыаҕа. Маны таһынан, бэстибээл үөрэтэр чааһыгар «Росмолодежь. Граннар» диэн бырагыраама чэрчитинэн сэминээр ыытыллыаҕа.