Күөрэлээх орто оскуолатын коллектива, ытыктабыллаах учууталлар, бэтэрээннэр! Эһигини оскуола төрүттэммитэ 90 сыллаах үбүлүөйүнэн итиитик-истиҥник эҕэрдэлиибит!

Оскуола 1932 сыллаахха ааннара аһыллан историята сүрдээх баай ис хоһоонноох, бэлиэ кэрдиис кэмнэрдээх. 2017 сылтан оскуолаҕа Агро хайысха статуһа бэриллиэҕиттэн үлэ-хамнас араас көрүҥэр сүөһү-сылгы иитиитигэр, сиртэн үүнээйини ыларга аныгы тыа оҕолорун сыһыаран, олоххо бэлэмнээх буоларга иитэн үгүс өрүттээх үлэни тэрийэн ыытаҕыт.

Нэһилиэк, улуус, республика, Арассыыйа таһымнаах араас тэрээһиннэргэ оскуола үөрэнээччилэрэ, учууталлара көхтөөхтүк кытталларын астына бэлиэтиибит. Оҕолор сайдалларыгар «Ырыа барыларыгар», «Бары уруһуйдуубут», профессиональнай үөрэҕирии, АГАТУ уонна ХИФУ автодорожнай факультетын эрдэтээҥҥи профессиональнай бэлэмнэниигэ оҕолору угуйуу, медицинскай кылаас уонна «Инники кэскил бырайыак» сетевой үлэлээһин нөҥүө оскуолаҕа үөрэх хаачыстыбатын таһыма үрдүүрүгэр үлэлэһэн, бу хайысхалары арыйан кэллигит.

Быйыл Улууспутугар бастакы, республикаҕа тарбахха баттанар бастакы трактородром арыллан олохтоох муниципальнай инициативалары өйүүр бырагыраамма чэрчитинэн саҥа анал тиэхиникэни, идэни баһылыырга уонна массыына быраабыгар үөрэнэргэ саҥа трактородром арыллан улуус оҕолоругар, тыа дьонугар улахан үөрүү буолла. Сылын аайы грант күрэхтэригэр, субсидия куонкурустарыгар оскуола учууталлара, кэллэктиип көхтөөхтүк кыттан, күүскэ үлэлэһэн кыайаҕыт.

Баай историялаах оскуоланы үбүлүөйдээх күнүнэн эҕэрдэлээн туран инникитин өссө да олоххо көхтөөх, айымньылаах, сыаллаах-соруктаах, кэскиллээх эдэр ыччат оскуола истиэнэлэригэр иитиллэн тахса туралларыгар баҕарабыт.  Эһиэхэ кытаанах доруобуйаны, айымньылаах үлэни,  уйгулаах олоҕу!

Горнай улууһун дьаһалтата