8 июля 2022

Күндү улууспут олохтоохторо!
Эһигини бүтүн Арассыыйатааҕы Дьиэ кэргэн, таптал уонна бэриниилээх буолуу күнүнэн истиҥник эҕэрдэлиибит!
Дьиэ кэргэн – бу киһи тирэҕэ, онтон кини күүс-уох уонна билии-көрүү ылар, манна духуобунай сыаннастар, культурнай үгэстэр акылааттара ууруллар. Улууска дьиэ кэргэн государственнай политикатын дьаһаллара дьиэ кэргэн институтун бөҕөргөтүүгэ, өйөөһүҥҥэ, дьиэ кэргэн сыаннастарыгар эппиэтинэстээх, ытыктабыллаах сыһыаҥҥа туоһулуур күүстэрин түмүүгэ, нэһилиэнньэ көҕүлээһиннэрин өйөөһүҥҥэ ананаллар.
Улууспутугар уопсайа 773 элбэх оҕолоох дьиэ кэргэн олорор, 2019 сылтан Улуус баһылыгын уурааҕынан 4 уонна 6 оҕону оҕоломмут 63 дьиэ кэргэттэргэ көмө быһыытынан ньирэй бэрилиннэ. 2022 муниципальнай өйөбүлү — 28 ыал туһаныахтара. 2021-2022 үөрэх сылыгар оҕону оскуола сааһыттан ыал буоларга бэлэмнэнэн иитэр сыалтан, «Дьиэ кэргэн азбуката» программанан 10 кылаас  оҕолорун үөрэтии үлэтэ Л.Н.Харитонов аатынан Маҕарас орто оскуолатыгар уонна Кэптин орто оскуолатыгар ыытыллар. Дьиэ кэргэн, ийэ-аҕа, оҕону иитии хайысхаларыгар нэһилиэнньэни болҕомтоҕо тардар сыалтан, бырайыак күрэҕэ ыытылынна. 8 бастыҥ бырайыакка уопсайа 300 000 солк субсидия бэрилиннэ. “Эдэр дьиэ кэргэттэри дьиэнэн хааччыйыы” бырагырааманан — 11 ыал, ол иьиттэн 3 элбэх о5олоох дьиэ кэргэн дьиэ тутталларыгар субсидиянан туһаныахтара. 2012 сылтан элбэх оҕолоох дьиэ кэргэттэргэ 613 босхо сир учаастага бэрилиннэ.
Улууспутугар уопсайа 13 оҕону иитэр ыаллар бааллар, ол иһигэр 39 оҕо көрүүгэ-истиигэ сылдьаллар, ону таһынан саҥа сайдан эрэр социальнай үлэ көрүнэ – аҕа саастаах көлүөнэҕэ кыһаллар сыаллаах соҕотох дьону иитэр ыаллар баар буолан эрэллэр.
Бигэ туруктаах, эрэллээх дьиэ кэргэн эрэ улуус социальнай-экономическай, культурнай уонна духуобунай өттүнэн сайдыытын хааччыйар кыахтаах. Дьиэ кэргэн политикатын соруктара олоххо киириэхтэрэ, көдьүүстээх түмүгү аҕалыахтара уонна инникитин да сайдан иһиэхтэрэ диэн эрэнэбит.
Эһиэхэ таһарылаах үлэни, уйгулаах олоҕу, ситиһиилэри баҕарабыт. Эһиги алаһа дьиэҕит өрүү оҕо минньигэс мичээринэн сырдыы турудун!
Улуус баһылыга:                                                             Никита Андреев
Улуус депутаттарын Сэбиэтин бэрэссэдээтэлэ:   Алквиад Тарасов