2 декабря 2022

Бүгүн Бэрдьигэстээххэ Афанасий Осипов аатынан орто оскуолаҕа «Устойчивое развитие Арктики» диэн норуоттар ыккардыларынааҕы севернай форум чэрчитинэн ыҥырыылаах ыалдьыттар кэлэн ыалдьыттаатылар. Ол курдук Исландияттан, Китайтан, Индияттан, ХМАО, Петрозаводск курдук куораттан 13 ыалдьыт биһиги улууспутугар кэлэн сэргэхсийдилэр, саха норуотун култууратын, оскуола үлэтин туһунан билистилэр. АТЭС климат уларыйыытын, үйэлээх ирбэт тоҥ ириитин, Арктика сайдыытыгар чинчийиини уонна учуонайдар быыстарыгар уопутунан атыстаһыы өттүгэр үлэлиир. Тэрээһин биир ытык ыалдьытынан буолла Исландияттан Халдор Йоханссон — Исландия республикатын Арктическай порталын директора. Оскуола оҕолоро ырыа ыллаан, үнкүү тэбэн кэнсиэр көрдөрдүлэр.