27 октября 2022

Улуустааҕы П. Д. Аввакумов аатынан Киин библиотека республика айар дьонугар «САХА БООТУРДАРЫГАР КӨМӨБҮТ — ИЙЭ ТЫЛБЫТ АЛГЫҺА» ыҥырыы биллэрбитэ. Бу бырайыак ааптарынан буолар Лена Саввинова, П.Д. Аввакумов аатынан Киин библиотека сэбиэдиссэйэ, уопсастыбаннай сэбиэт бэрэссэдээтэлэ. Айар дьоммут алгыс тыллара кумааҕыга тиһиллэн, «ОФСЕТ» ХЭТ генеральнай директора Скобелева Дария Николаевна спонсорскай көмөтүнэн алгыс хоһооннордоох хомуурунньук-блокнот буолан оҥоһуллан таҕыста. Тирааһа уопсайа 500 устуука. Ону тэҥэ «Азубка» ХЭТ генеральнай директора Семенова Нина Васильевна 500 устуука харандаас биэрдэ. Алгыс хоһооннордоох блокнот- хомуурунньугу мобилизованнай биир дойдулаахтарбытыгар ыытарга алтынньы ый 26 күнүгэр бырайыак ааптара Лена Саввинова уопсастыбаннай добровольческай штабка туттарда. Ыҥырыыга республикабыт 10 улууһа кыттыбыта: Горнай, Абый, Мэҥэ-Хаҥалас, Сунтаар, Уус-Алдан, Бүлүү, Амма, Нам, Таатта, Кэбээйи уонна Дьокуускай куорат. Айымньылар күн ахсын, дьон-сэргэ биһирэбилин ылан, библиотека социальнай ситимигэр тутатына тахсан испиттэрэ. Бырайыагы өйөөбүт спонсордарга, кыттыбыт айар талааннаах ааптардарбытыгар махтанабыт! Уолаттарбытыгар алгыс тылларбыт тиийэн санааларын көтөҕүөхтэрэ диэн эрэнэбит!