Горнайдааҕы социальнай – реабилитационнай киин тэриллибитэ 20 сыла

18 ноября 2022

Бүгүн Саха Өрөспүүбүлүкэтин Үлэҕэ уонна социальнай сайдыыга министерствотын иһинэн улууска сокуоннай саастарын ситэ илик оҕолорго социальнай – реабилитационнай киин тэриллибитэ үбүлүөйдээх 20 сылын бэлиэтиир үөрүүлээх тэрээһин буолла. Саҥа үйэ саҕаланыыта 2002 сыллаахха Горнай улууһун баһылыгын дьаһалынан бу киин тэриллэн үлэтин саҕалаабыта. Киин сүрүн соругунан олох ыарахаттарыгар итиэннэ социальнай кутталлаах балаһыанньаҕа түбэспит дьиэ кэргэҥҥэ уонна сокуоннай саастарын ситэ илик оҕолорго көмө буолар.