18 июня 2024

Бүгүн, бэс ыйын 13 күнүгэр, Горнай улууһун дьокутааттарын сэттис ыҥырыылаах Сэбиэтин 10-с сессията буолла.

Сессияҕа кыттыыны улуус баһылыга Н.В.Андреев, Горнай улууһун прокурорун көмөлөһөөччүтэ А.А.Расторгуева кыттыыны ыллылар.

Маннык боппуруостар көрүлүннүлэр:
2016 с. балаҕан ыйын 5 күнүгэр 168 №-дээх быһаарыынан бигэргэммит «Горнай улууһа» муниципальнай оройуон устаабыгар уларытыылары киллэрии туһунан.
2023 сыл ахсынньы 25 күнүгэр 22 №-дээх быһаарыынан бигэргэммит ««Горнай улууһа» муниципальнай оройуон 2024 сыллааҕы уонна былааннаммыт 2025-2026 сс.бюджеттарын» туһунан уларытыылары уонна эбиилэри киллэрии.
2013 с. ахсынньы 25 күнүгэр 38 №-дээх быһаарыынан бигэргэммит ««Горнай улууһа» муниципальнай оройуон муниципальнай суол фондатын бюджетнай үбүлээһинин тэрийии бэрээдэгин бигэргэтии уонна туһаныы» туһунан уларыйыылары киллэрии.
2024 муус устар 11 күнүнээҕи 42 №-дээх быһаарыынан бигэргэммит «Горнай улууһа» муниципальнай оройуон бас билэр объектарын биэрэпиһин СР уонна 2024 с. муниципальнай тэриллиилэр бас билиилэригэр бэриллиилэрин туһунан» уларытыылары уонна эбиилэри киллэрии.
Улуус дьокутааттарын Сэбиэтин иһинэн Ыччат палаататын тэрийии.
«Горнай улууһун Бочуоттаах олохтооҕо» ааты иҥэрии.
«Муниципальный Советник III класса» класснай чины бигэргэтии.

Көрүллүбүт боппуруостары дьокутааттар дьүүллэһэн баран ылыннылар.
Биир ураты боппуруоһунан улууспутугар Ыччат палаатата тэриллиитин туһунан ырытыһыы буолла.

Ыччат палаататын туһунан сырдатар буоллахха, РФ, СР Конституцияларыгар, федеральнай, СР сокуоннарыгар уонна улуус дьокутааттарын Сэбиэтин дьаһалынан уонна балаһыанньатынан үлэлиэхтээх.
Ыччат палаататын сүрүн сыала-соруга – cоциальнай уонна ыччат политикатын эйгэтигэр боппуруостары быһаарыыга уопсастыба ханнык баҕарар салаатыгар ыччат общественнай оруолун уонна социальнай суолтатын үрдэтии, ыччат бэйэни салайыныыга усулуобуйаны тэрийии, олохтоох салайыныы уорганнарыгар ыччат политикатын көмөтө.
Ыччат палаатата тэриллиэн иннинэ, тэрийэр хамыыһыйа талыллыахтаах. Ол кэннэ бу хамыыһыйа ыччат палаататын чилиэттэрин талан үлэтин саҕалыахтаах.

«Улуус нэһилиэктэрин баһылыктара, нэһилиэктэр дьокутааттара саҥа тэриллиэхтээх палаатаҕа тыа хаһаайыстыбатын эйгэтигэр үлэлиир-хамныыр бастыҥ ыччаты хадаатыйыстыба быһыытынан түһэрэн ыыталлара буоллар,»

— диэн улуус дьокутааттарын Сэбиэтин бэрэссэдээтэлэ Константинова Маргарита Гаврильевна баҕа санаатын этэр.

Саҥа сүүрээн үтүө түмүктэрдээх буолуо, ыччат сайдыы суолунан иннин диэки дьулуһуо диэн диэн бигэ эрэнэбит.