6 февраля 2023

Отчуоттуур республиканскай бөлөх Кэптиҥҥэ, Маҥаныга кэлэ сылдьан эбийиэктэринэн сырыттылар. Кэптиҥҥэ нэһилиэк хочуолунайын, Кэптин орто оскуолатын, «Мичээр» оҕо уһуйаанын көрдүлэр. Хочуолунай кыамтата тиийбэтин, оһохтор саҥардылларын, өрөмүөн үлэтэ наадатын бэлиэтээтилэр.

Оскуола быйыл капремонт быһыытынан саҥардыллыахтааҕын директор Ия Заровняева билиһиннэрдэ. Билигин манна 102 оҕо үөрэнэр. «Земский учитель» бырагыраамма чэрчитинэн Башкирияттан английскай тыл учуутала кэлэн үлэлии сылдьар.

Оҕо уһуйааныгар эбийиэк уопсайынан тымныытын, түннүктэртэн үрэ турарын,  өрөмүөн наадатын туһунан бэрэстэбиитэллэргэ үлэһиттэр эбийиэги көрдөрдүлэр, кыһалҕаларын үллэһиннилэр. Оскуола капитальнай ремонун курдук оҕо уһуйааннарыгар эмиэ анал программа баар буоларыгар этиилэрин киллэрдилэр.

Орто-Суртка котельнай үлэтин хаамыытын кытары билистилэр, бэһис котел туруоруутун көрдүлэр.