12 января 2023

Бүгүҥҥү мунньахха бултааһын сүбэтин сүрүн боппуруоһунан анды болдьоҕун быһаарыы буолла. Бу туһунан сиһилии Горнайдааҕы ИГЭН старшай инспектора Аркадий Михайлов сырдатта.  «Инники киин улуустарга андыга бултааһын 2 сроктаах эбит буоллаҕына, биир кынын диэн сорудах кэлбитэ. Ону нэһилиэнньэ санаатын билээриибит бүгүн мунньах оҥордубут. Дьон үгүс өттө куоластааннар бэс ыйын 1 күнүттэн бэс ыйын 4 диэри диэн буолла. Холобура инники 29 чыыһылаттан саҕаланар этэ. Бары улуустар бу быһаарыыны ылбыттарын кэннэ республикаҕа биир болдьох олоҕуруохтаах. Иккис боппуруоһунан булт быраабылатын өттүгэр уларыйыылары көрдүбүт. Биирдэстэринэн кыра ахсааннаах норуоттар бултуур билеттарыгар штамп туруоруутун, ханна бултуулларын, сир боппуруоһун эмиэ көтөхтүбүт. Маны таһынан тайах булдун болдьоҕун кэмэ быйыл тохсунньу 10 күнүгэр дылы буолуохтаах. Манна бириэмэтэ наһаа уһун диэн, кылгатарга уопсай мунньах, петиция түһэриэххэ диэн буолла».