Балаҕан ыйын 7-8 күннэригэр Ийэ сылыгар уонна Саха сирэ төрүттэммитэ 100 сылыгар анаммыт историяҕа бастакы биэнсийэлээхтэр Спартакиадалара буолла. Биһиги улууспутугар 8 киһиттэн турар хамаанда 6 спорт көрүҥэр ситиһиилээхтик кытынна. Ол курдук легкай атлетика, дартс, плавание, пневматическай бинтиэпкэнэн ытыы, шахмат уонна остуол тенниһэ. Күрэхтэһии түмүгүнэн (1 км) хамаанданан сүүрүүгэ lll миэстэ, дартс — Вера Максимова l миэстэ, стрельбаҕа — Николай Пахомов ll миэстэ, сүүрүүгэ (1км) — Тамара Леонтьева ll миэстэни ылары ситистилэр. Биэнсийэлээхтэр l Спартакиадаларын саамай саастаах кыттааччытынан биһиги шахматиспыт — Николай Николаевич Павлов ааттанна уонна күрэхтэһии спец бирииһинэн наҕараадаланна. Бары бэйэлэрин саастарыгар арылхай, соһуччу, спортивнай характердарын, кыахтарын бу спартакиадаҕа көрдөрдүлэр. Хамаанданан түмүк — l миэстэ Нам улууһа, ll миэстэ Уус- Алдан улууһа, lll миэстэ Бүлүү улууһа буоллулар.