27 декабря 2022
Бүгүн Спорт министиэристибэтин көҕүлээһининэн, Саха өрөспүүбүлүкэтин Ил Дарханын уурааҕынан Өрөспүүбүлүкэҕэ олимпийскай эрэллэри иитэр спортивнай оскуола иһинэн тутуллубут 3 этээстээх 50 миэстэлээх интернат дьиэтэ арыллар үөрүүлээх тэрээһинэ буолла.
Саҥа эбийиэк тупсаҕай тутуулаах, аныгы ирдэбилгэ эппиэттиир маллаах, толору хааччыллыылаах, таас дьиэ буолар. Бу интернатка спорт фанаттара: оҕунан ытыы, пулевой ытыыга уонна тустуу көрүннэригэр сылдьар өрөспүүбүлүкэбит араас муннуктарыттан талыллан кэлбит оҕолор бу сыл алтынньы ыйыттан олороллор.
Бүгүҥҥү күҥҥэ интернатка 37 оҕо олорор : Амма, Абый, Анаабыр, Өлөөн, Бүлүү, Таатта, Дьокуускай куораттан уонна Горнай улууһун нэһилиэктэриттэн кэлэн үөрэнэ сылдьаллар.
