8 февраля 2023

Горнай улууһугар нэһилиэктэринэн бырабыыталыстыба түмүктүүр отчуота Бэрдьигэстээххэ ыытылынна. 130 олохтоох отчуоту кэлэн иһиттэ. Ааспыт ссылка республикаҕа ыытыллыбыт үлэ туһунан отчуоту истэн баран тутатына этиилэргэ киирдилэр.

Тутууга туруорсар сүрүн боппуруостара:

— Саҥа клуб дьиэтэ
— Саҥа гимназия оскуолата
— Баһаарынай чааска ремоныгар үп-харчы эбии көрүллүүтэ
— Саҥа 140 миэстэлээх оҕо уһуйаанын тутуу
— Оҕолорго саҥа музыкальнай оскуола
— Сыл устата үлэлиир уу ситимин тардыы
— Кэптин — Орто-Сурт суолун оҥоруу

Олохтоохтор көхтөөхтүк санааларын этэн араас этиилэри киллэрдилэр:

— Элбэх оҕолоох эдэр ыалларга, маһынан отто олорор дьоҥҥо бастакы уочарат гааһы киллэрии
— Дьокуускай — Маҕарас — Бэрдьигэстээх хайысханнан сылдьар автобус сырыытын уларытыы
— Зондированиены тохтотуу
— Оскуолаларга музейдары тэрийии
— Сэрии сылын оҕолоругар, тулаайахтарыгар көмө боппуруоһун Ил Түмэҥҥэ көрүү
— Бэрдьигэстээххэ катогу эбэтэр бассейны тутуу
— «Ийэҕэ махтал» квотаны элбэтии
— Үлэ сылыгар үлэ дьонун чиэстээһин
— Бөрөҕө булт премиятын кээмэйин үрдэтии
— Ыт приютугар эбии үбү көрүү
— Тайахха бултааһын болдьоҕун Республика иһинэн көрөн быһаарыы
— Орто анал үөрэҕи улууска тэрийии
— Саҥа водовоз массыыналарынан хааччыйыы

Маны таһынан олохтоохтор сир учаастагын арендатын, сир-уот, субан сүөһүнү иитии, бөх тиэйии сыанатын, минерализованнай полоса, бензин оттук сыанатын чэпчэтиитин, хонтуруолга ылыытын ыйыттылар. Гааска көһөрҕө ирдэбилинэн дьиэлэргэ пристрой туттулларыгар үп-харчы тиийбэт диэн кыһалҕаларын үллэһиннилэр.

Общественнай эйгэлэри, сквердары ким көрүөхтээҕин, хантан үп көрүллэрин, гааска нэһилиэги көһөрүү, социальнай газификация чэрчитинэн бэриллэр 150 тыһ солк. тиийбэтин, тоҕо МСО түөлбэтигэр дьиэлэр үлэҕэ хаһан киирэрин, онно үлэлээбит дьоҥҥо хамнас кэмигэр төлөнөрүн туоһуластылар.

Түмүккэ олохтоохтор бырабыыталыстыба отчуотун ылынан, улуус, республика сылтан сыл тупсарын, элбэх үлэ ыытылларын дуоһуйа, махтана бэлиэтээтилэр.