Бэрдьигэстээхтэн үс оҕолоох ыал аҕата быстах хомуур кэмигэр балаҕан ыйыгар барбыта. Оҕолоро 10, 6, 4 кылааска үөрэнэллэр. Саҥа дьиэ туттан, социальнай гаастааһыны туһанныбыт диэн ыал ийэтэ Галина Кириллова үөрэн кэпсиир.

Саамай ыарахана — моральнай өттө диэн Галина Михайловна санаатын үллэһиннэ. Элбэх оҕолоох аҕалары дойдуларыгар төнүннэриэххэ сөп дуо диэн ыйытан билистэ.

Кэргэнэ этэҥҥэбит диэн чугас дьонугар сибээскэ тахсар эбит. Аҕыйах хонуктааҕыта Саха сириттэн көмө кэлбитинэн Иван үөрүүтүн үллэстибитин истэн, элбэхтэ туруорсубут, сүүрбүт-көппүт үлэтэ үтүө түмүктээх буолбутуттан олус үөрбүтүн, түгэнинэн туһанан Республика салалтатыгар, оперативнай штаб үлэһиттэригэр махталын тиэртэ.