22 апреля 2024

Бүгүн, муус устар 22 күнүгэр, олохтоох бэйэни салайыныы күнүн чэрчитинэн Аҕа баһылыкпыт Н.В.Андреев, улуус дьокутааттарын Сэбиэтин бэрэссэдээтэлэ М.Г.Константинова, улуус, нэһилиэк Дьаһалталарын үлэһиттэрэ улуус оскуолаларыгар бэнидиэнньик ахсын ыытыллар линейкаҕа, Арассыыйа, Саха сирин уонна Горнай улууһун былаахтарын көтөҕүүгэ, гимнэри толорууга кытыннылар уонна «Дьоһуннааҕы кэпсэтии» кылаас чаастарын ыыттылар.

Олохтоох бэйэни салайыныы бүтүн улууспут, өрөспүүбүлүкэбит, дойдубут сайдыытыгар улахан оруоллааҕын кэпсээтилэр, бэйэлэрин үлэлэрин сырдаттылар.