5 апреля 2024

Бүгүн Бэрдьигэстээххэ Семен уонна Соппуруон Даниловтар ааттарынан Духуобунас киинигэр биир дойдулаахпыт, норуот сөбүлээн истэр ырыаһыта Раиса Яковлевна Захарова төрөөбүтэ 70 сылыгар анаммыт «Ырыаларым — ымыыларым» бэһис төгүлүн ыытыллар биирдиилээн толорооччуларга анаммыт республикатааҕы ырыа күрэҕэ үрдүк таһымҥа ыытылынна. Араас улуустартан Раиса ырыатыгар сүгүрүйээччи 60-ча ырыаһыт муһунна. Эдьиийбит кэриэһигэр ыытыллар ырыа күрэҕэр толорооччулар элбээн иһэллэрэ киһини үөрдэр.

Манна Сунтаартан, Ньурбаттан, Кэбээйиттэн, Хаҥаластан, Мэҥэ Хаҥаластан, Чурапчыттан, Тааттаттан о.д.а. өрөспүүбүлүкэ араас муннугуттан Бэрдьигэстээххэ күн устата сүүмэрдээһини аастылар.

Хас биирдии толорооччу бэйэтин репертуарыттан уонна Раиса Яковлевна ыллаабыт ырыатыттан толордо.

Түмүктүүр түһүмэххэ 20 бастыҥ толорооччу ырыа дьоро киэһэтин бэлэхтээтилэр, кыайыылаахтары наҕараадалаатылар. Кылаан чыпчаал кыайыылааҕа Таатта улууһуттан, Хаҥаластан төрүттээх Владимир Жирков буолла. Солоҕон нэһилиэгин баһылыгыттан Александра Александроваттан 100 000

солк уу харчынан наҕараадаланна.