4 декабря 2023
Бу дьыл ахсынньы 1 күнүгэр Арассыыйаҕа Педагог уонна Уһуйааччы сылыгар, Өрөспүүбүлүкэҕэ Үлэ сылыгар, Горнай улууһугар Тупсарыы сылыгар анаан “Бигэ туруктаах дьиэ кэргэн” улуустааҕы форум ыытылынна.
Дьиэ кэргэн – общество туллаҥнаабат тулааһына буоларын өйдөөн Арассыыйаҕа 2024 сылы Дьиэ кэргэн сылынан биллэрбиттэрэ.
Форум чэрчитинэн акциялар ыытылыннылар. Ол курдук, «Күн киһитэ көмүскэс, Айыы киһитэ аһыныгас» — Дунаев Егор Егорович Кореяҕа эмтэнэ барарыгар көмө уонна «Улуус хаһыатын-Дьиэ кэргэнинэн ааҕабыт» — «Үлэ күүһэ» редакция элбэх оҕолоох, СВО кыттыылааҕа дьиэ кэргэттэргэ эһиилги сылга чэпчэтиилээх сурутуу акцията.
Тэрээһин саҕаланыытыгар Алексей Семенович Петров, “Октябрьскай нэһилиэгэ” МТ баһылыга, Сардаана Степановна Стручкова, улуус баһылыгын бастакы солбуйааччыта, Альбина Семеновна Алексеева, улуус социальнай отделын начальнига, Ариан Алексеевич Александров, улуус сэбиэтин депутата, улуус аҕа түмсүүтүн салайааччыта эҕэрдэ тылларын эттилэр.
Форум 4 секциянан ыытылынна:
— «Дьылҕан бэйэӊ илиигэр»,
— «Дьиэ кэргэҥҥэ оҕону иитиигэ өбүгэ үгэстэрэ»,
— «Дьиэ кэргэн – эбии дохуот»,
— «Дьиэ кэргэни хамсатар күүс – Аҕа». Бу секцияҕа Нам улууһун Хамаҕатта нэһилиэгиттэн «Эркин» эр дьон түмсүүтэ (бэрэссэдээтэл: Уодай Владимир Георгиевич) кэлэн кыттыыны ылла.
Форум уратыта диэн туойтан оҥоһуктары, сиэлтэн харысхаллары уонна фоторамканы киэргэтиигэ оҥорорго маастар-кылаастар уонна «Аҕа, Ийэ уонна мин – спортивнай дьиэ кэргэн» спортивнай күрэх буоллулар.
Форум төгүрүк остуол тула санаа атастаһыытынан, улуус бастыҥ дьиэ кэргэттэрин наҕараадалааһынынан уонна «Дьиэ кэргэн – дьол уйата» талааннаах дьиэ кэргэттэр эҕэрдэ кэнсиэртэринэн түмүктэннэ.
Наҕараадалар:
«Горнай улууһа» муниципальнай тэриллии баһылыгын Н.В.Андреев аатыттан Саха Республикатын «Ийэҕэ Албан аат» 3 степеннээх бэлиэ хаһаайыттарыгар 10 тыһыынчалаах сертификаты уонна эҕэрдэ суругу баһылык солбуйааччыта С.С.Стручкова туттарда:
— Бэрдьигэстээх нэһилиэгин сэттэ оҕолоох амарах ийэтигэр Прудецкая Надежда Николаевнаҕа,
— Маҥаны нэһилиэгин сэттэ оҕолоох амарах ийэтигэр Илюхина Сахая Алексеевнаҕа,
«Горнай улууһа» муниципальнай тэриллии баһылыгын сэтинньи 1130 нүөмэрдээх дьаһалынан «Ийэҕэ махтал» Бочуоттаах бэлиэ:
— Мытаах нэһилиэгин 15 оҕо амарах ийэтигэр Тамара Афанасьевна Петроваҕа,
— Октябрьскай нэһилиэгин 5 оҕо амарах ийэтигэр Вера Афанасьевна Колочеваҕа,
— Маалтааны нэһилиэгин 6 оҕо амарах ийэтигэр Чээнэ Николаевна Филипповаҕа,
«Горнай улууһа» муниципальнай тэриллии баһылыгын махтал суругунан наҕараадаланнылар:
— Октябрьскай нэһилиэк бастыҥ ыала Вера Егоровна уонна Гаврил Павлович Ковровтар. Төрөөбүт нэһилиэктэригэр, улууска ыытыллар тэрээһиннэргэ көхтөөхтүк кыттар, активнай позициялаах, куруук инникигэ сылдьар, 41 сыл бииргэ олорбут, холобур буолар бастыҥ ыал.
— Бэрдьигэстээх нэһилиэгин бастыҥ ыала Светлана Григорьевна уонна Анатолий Васильевич Лю-фалар. Нэһилиэк, улуус сайдыытыгар кырата суох кылааттарын, саҥа сүүрэннэри олоххо киллэрэр, холобур буолар бастыҥ дьиэ кэргэн.
— Маҥаны нэһилиэгин бастыҥ ыала Сахая Алексеевна уонна Виталий Александрович Илюхиннар. Төрөөбүт нэһилиэктэригэр, улууска ыытыллар тэрээһиннэртэн туора турбакка, куруук инникигэ сылдьар, 20 сыл бииргэ олорбут бастыҥ ыал.
— Маалтааны нэһилиэк бастыҥ ыала Анна Анатольевна уонна Николай Николаевич Заровняевтар. Элбэх оҕолоох, холобур буолар туруу үлэһит, төрөөбүт нэһилиэктэрэ сайдарын туһугар туруулаһар бастыҥ эдэр ыал.
«Эркин» Хамаҕатта нэһилиэгин эр дьонун түмсүүтэ.
Председатель: Уодай Владимир Георгиевич
Эрин түмсүү 2008 сылга төрүттэммитэ.
«БААТЫР» Аҕа түмсүүтүн наҕараадалара:
«Үлэ сыла» бэлиэ:
— Дьяконов Роман Касьянович,
— Осипов Адам Адамович.
Бочуотунай грамота:
— Григорьев Михаил Николаевич, Кэптин с.
— Тимофеев Василий Васильевич, Күөрэлээх с.
— Николаев Николай Афанасьевич, Орто-Сурт с.
