23 февраля 2023

Бүгүн Аҕа дойду көмүскээччилэрин күнүгэр үгүс тэрээһин ыытылынна. Ол курдук, Ийэ дойдуга көҥүл иһин Ильмень күөлгэ охтубут, олохторун толук уурбут биир дойдулаахтарбытын скверыгар тахсан кэриэстээтилэр.

Чечня кыттыылааҕар, дойдубут чиэһин көмүскээбит Александр Парфенов сырдык аатын бииргэ сылдьыбыт однополчаниннара, бэтэрээннэр кэлэн ахтан-санаан аастылар.

Салгыы М.С.Егоров аатынан сынньалаҥ кииҥҥэ бырааһынньыгы көрсө концерт тэрилиннэ.Тэрээһиҥҥэ бойобуой дьайыы бэтэрээннэрэ, СВОҕа кытта сылдьар икки уолбут, улуус уонна нэһилиэктэр салалталара, анал байыаннай операция кыттааччылар дьиэ кэргэннэрэ, улуус олохтоохторо, тэрилтэлэр үлэһиттэрэ, оскуола оҕолоро кытыннылар.

Кыайыы туһугар сырдык тыыннара быстыбыт саллааттарга чуумпурааһын мүнүүтэтин оҥордулар, Россия, республика, улуус гимнарын тыаһаттылар, байыаннай ырыалары ыллаатылар.

Билигин СВОҕа кытта сылдьар дьон дьиэ кэргэттэригэр биирдиилэн тэрилтэлэр бу күнүнэн эҕэрдэлээн туран сэмэй бэлэхтэрин туттардылар.