Тохсунньу 25 күнүгэр улуус баһылыгын 2022 сыл түмүгүнэн нэһилиэнньэ иннигэр отчуота Атамай олохтоохторугар буолла. Манна 34 киһи кыттынна, 15 киһи куйаар ситимин нөҥүө холбонон иһиттэ.

Дакылаат кэмигэр икки саҥа тутуллан эрэр эбийиэктэр — 150 миэстэлээх оскуола уонна многофункциональнай сынньалаҥ киин тустарынан тутар тэрилтэлэр кэлэн сырдаттылар. Бу тутуулар бырайыактарын, ыытыллар үлэ былаанын нэһилиэнньэ үөрэ-сэҥээрэ, илиилэрин таһына иһиттэ. Маалтааны суолун оҥоруутун, орто үөрэх аһылларыгар туох үлэ ыытылларын, оскуола тутуутун кэмигэр оҕолор ханна үөрэнэллэрин туоһуластылар.

Суол бэлиэлэриэ ирдэнэр сиргэ туралларыгар, киһи уҥуоҕун сирин сыһыарарга, ыраастыырга, күрүөлүүргэ этиилэрин киллэрдилэр.

Дьон ыраас иһэр уу ситимэ оҥоһулларын, тиис бырааһа кэлэн көрөрүн туруорустулар. Олохтоохтор ыытыллыбыт үлэҕэ, биирдиилээн көмөҕө махтана, дуоһуйа истэн отчуоту түмүктээтилэр.