Бүгүн Солоҕоҥҥо Саха сиригэр Үлэ сыла биллэриллибит ураты суолталаах кэмигэр, эти-сиини сайыннарар саҥа олох ирдэбилигэр эппиэттиир, тупсаҕай көрүҥнээх, саҥалыы тыыннаах сырдык сааланы үөрүүлээх быһыыга-майгыга өрөмүөн кэннэ арыйдылар.

Саҥа саал ППМИ — олохтоох көҕүлээһини өйүүр бырагыраамма нөҥүө үбүлэнэн тутулунна. Үлэни «МК-Строй» тутуу тэрилтэтэ уонна урбаанньыт Потапов Василий бэдэрээччитинэн ылсан, кылгас кэм иһигэр үтүө суобастаахтык үлэни түмүктээтилэр.

Нэһилиэккэ 2023 сылга биллэриллибит «Сомоҕолоһуу» сылын чэрчитинэн сааланы сууйууга, үлэтин ситэриигэ олохтоохтор биир сомоҕо курдук субуотунньукка кыттыһан үлэлээбиттэрин астына бэлиэтиибит.