Бүгүн улуус баһылыгын солбуйааччы Павел Петров, социальнай политика начальнига Альбина Алексеева Бэрдьигэстээх нэһилиэгин бочуоттаах олохтооҕун, тыыл, үлэ бэтэрээнин, «Гражданскай килбиэн», «Ытык сүбэ» бэлиэлэрдээх бочуоттаах кырдьаҕаһы Тихонова Лидия Павловнаны 90 сааһын туолбутунан итиитик — истиҥник эҕэрдэлээтилэр, ирэ-хоро кэпсэттилэр. Улуус баһылыга Никита Андреев эҕэрдэ суругун уонна сертификат туттардылар.

Билигин Лидия Павловна үс сиэн тапталлаах эбэтэ уонна биир хос сиэн эбээтэ буолар. Ытыктыыр киһибитигэр кытаанах доруобуйаны, өссө да уһуннук олороругар баҕарабыт!