16 января 2023

Бүгүн, тохсунньу ый 16 күнүгэр саҥа 2023 сылга улууспутугар аан бастакыннан күн сирин көрбүт оҕолору үөрүүлээх быһыыга-майгыга таһаардылар. Икки бүк дьолломмут ийэлэри Улуус баһылыгын солбуйааччы Павел Петров, социальнай политика начальнига Альбина Алексеева уонна балыыһа роддомун үлэһиттэрэ буолан эҕэрдэлээтилэр. Улуус бастакы 2023 сылын оҕото тохсунньу 9 күнүгэр, Аһыматтан 4 оҕолоох Леонтьевтар дьиэ кэргэннэригэр кыыс оҕоннон күн сирин көрбүтэ. Иккис оҕо тохсунньу 10 күнүгэр Мытаахтан элбэх оҕолоох Константиновтар дьиэ кэргэннэригэр бэһис оҕоннон төрөөбүтэ. Кэрэхсэбиллээҕэ диэн, төрөөбүт оҕолор үгүстэрэ элбэх оҕолоох ыалларга күн сирин көрдүлэр. Кырачаан кыргыттар байылыат олохтоох, ситиһиилээх, дьоллоох, чэгиэн, төрөөбүт дойдуларын сайдыытын уһансар киһи гиэнэ кэрэмэстэрэ, үтүөкэн дьон буола улааттыннар.