Бүгүн киэҥ эйгэҕэ биллибит блогер, урбаанньыт ийэлэри кытары ирэ-хоро кэпсэтии, Ийэ сылын түмүктүүр көрсүһүү буолан ааста.

Тэрээһин сулустара — Мария Столярчик — блогер, кондитерскай хаһаайката, Алена Ядреева, блогер, таҥас маҕаһыынын хаһаайката, Ольга Птицына — блогер, сибэкки мастерскойун хаһаайката. Ыҥырыылаах ыалдьыттар бэйэ дьыалатын арыныы, оҕону иитии, мотивацияны хантан булунуу уонна блогинг тематын арыйан кэпсээтилэр.

Маны тэҥэ атыы-эргиэн дьаарбанката буолан ааста. Торт, минньигэс ас, таҥас, бэлэх набуордара, сиэмэлэр, Горнай улууһун  маастардарын бэйэ оҥоһуктара, киэргэллэр атыыга таҕыстылар.

Көрсүһүүгэ улуус араас нэһилиэктэрин ийэлэрэ тиийэн сэргэхсийэн, саҥа элбэҕи, сүбэни-аманы истэн, күннэтэ социальнай ситимҥэ көрөр блогердарын кытары көрсөн астына, дуоһуйа тарҕастылар.