1 декабря 2022

Бүгүн «Горнай улууһа» МР дьаһалтатын иһинэн үлэлиир социальнай блок үлэһиттэрэ Солоҕон олохтоох дьаһалтатын специалистарын кытта мунньахтаатылар, учетка турар, опека оҕолордоох, соцконтрагы туһаммыт ыаллары кытта көрүстүлэр, олорор усулуобуйаларын билистилэр. «СитиМ» сайдар эйгэтигэр общественнай тэрилтэ салайааччыларын кытта мустан сүбэ мунньаҕын тэрийдилэр. Нэһилиэнньэҕэ психологическай көмөнү оҥорор киин специалиһа саастарын ситэ илик оҕолор социальнай реабилитационнай киин үлэһиттэрин кытта оскуола оҕолоругар беседа аахтылар, участковайы, ПДН сотрудниктарын кытта көрүстүлэр. Түмүккэ эдэр ийэлэр, дьахтар сэбиэтэ анал байыаннай дьайыы кыттыылаахтарыгар тикпит эмп суумкаларын, онно уган ыытыахтаах эмт-том ылбыттарын көрдөрдүлэр, үтүө санаа акциятыгар кыттыһан куоракка илдьэн туттараары сылдьалларын кэпсээтилэр, астына дуоһуйа кэпсэтэн тарҕастылар.