29 ноября 2022

Сэмэн уонна Соппуруон Даниловтар ааттарынан Духуобунас киинигэр саха омук үйэлэргэ өлбөт улуу айымньыта оллоонноон олорон Олоҥхо ааҕылынна. С.Г. Алексеев — уус уола Уустарабыс «Чөҥөчөх оҕонньор, Төҥүргэс эмээхсин» олоҥхотун оруобуна 82 киһи, ол иһигэр оҕолор олус болҕомтолоохтук олорон истибиттэриттэн тэрийээччилэр олус үөрдүбүт уонна махтанныбыт. Олоҥхону Горнай улууһун сахалыы тыынныыр, өбүгэ үгэһин уос номох оҥостон илдьэ сылдьар, улуус, өрөспүүбүлүкэ, аан дойдутааҕы күрэхтэр Гран При хас да төгүллээх кыайыылаахтара «Алгыс» фольклорнай ансаамбыл толордо. Саха тылын таптаан, саха тылын кэрэхсээн, саха буолан сандаарын.