29 ноября 2022

Быйыл СӨ Ил Дархана Айсен Сергеевич Николаев Олоҥхо дьиэлэрин биир кэлим ситимин тэрийэр туһунан ыйаахха илии баттаабыта. Ол чэрчитинэн Саха сирин уон улууһугар Олоҥхо дьиэлэрэ үлэлиэхтэрэ, кинилэр кэккэлэригэр биһиги улууспут кииристэ. 4 өрүттээх Сөбүлэҥ бүгүн «Россия-моя история» историческай пааркаҕа түһэрилиннэ. СӨ судаарыстыбыннай сүбэһитэ, Геокультурнай сайдыы институтун генеральнай дириэктэрэ Андрей Саввич Борисов, СӨ Олоҥхо театрын салайааччыта Мария Васильевна Турантаева, Өрөспүүбүлүкэтээҕи норуот айымньытын дьиэтин генеральнай дириэктэрэ Сергей Степанович Семенов уонна уон улуус баһылыктара кытыннылар.