25 ноября 2022

Кинигэҕэ 1972с. Горнай оройуонугар тэриллибит Кировскай, Күөрэлээх, Атамай, Маҥаны, Кэптин диэн отделениелардаах «Атамай» сопхуос 1992 с. диэри үлэлээбитин туһунан матырыйааллар, ахтыылар, суруктар хомуллан, тиһиллэн киирдилэр. Сопхуос сайдыытыгар, Россия, Сэбиэскэй Союз үрдүнэн ыытыллыбыт социалистическай куоталаһыыларга сопхуос кыайыылаах тахсан, оройуоҥҥа, историяҕа киирэр ситиһиилэнэригэр, бэйэлэрин харыстаммакка үлэлээбит бар дьоммут ахтыыларын туоһулуур кэрэһит кинигэ үйэлээх өйдөбүнньүк буолан улууспут олохтоохторугар, ыччаттарбытыгар үтүө холобурунан ахта-саныы сылдьалларыгар күүс-көмө буолуо диэн эрэнэбит.