«Горнай улууһа» муниципальнай оройуон дьаһалтатын уонна оройуон дьокутааттарын Сэбиэтин ааттарыттан киһи-аймах утумун ситимниир сырдык эйгэлээх дьоммутун – кэнчээри ыччаппыт кэскилин түстээччилэри итиитик-истиҥник эҕэрдэлиибит!

Эһигини  айылҕаттан айдарыылаах норуот иитээччилэрин быһыытынан үрдүктүк сыаналыыбыт. Кэлэр кэнчээри ыччаппытын үөрэтэр, сырдыкка — үтүөҕэ сирдиир, туох баар билиигитин, кыһамньыгытын биэрэн туран үлэлииргитинэн киэн туттабыт. Иитээччи диэн үрдүк ааты өрө тутар туһугар үгүс сыраҕытын уураргытын үрдүктүк сыаналыыбыт.

Бүгүҥҥү үөрүүлээх күҥҥэ дьиэ кэргэҥҥитигэр дьолу-соргуну, уйгулаах-быйаҥнаах дьоһун олоҕу, кытаанах доруобуйаны, айар-тутар кэскиллээх, дьоһуннаах үлэҕитигэр ситиһиилэри баҕарабыт!