27 сентября 2022

Убаастабыллаах Горнай улууһун олохтоохторо! «Горнай улууһа» муниципальнай оройуон дьаһалтатын, улуус дьокутааттарын Сэбиэтин ааттарыттан Саха Өрөспүүбүлүкэтин Судаарыстыбаннаһын күнүнэн эҕэрдэлиибит! 32 сыл анараа өттүгэр, 1990 сыл балаҕан ыйын 27 күнүгэр, Саха сирин судаарыстыбаннай суверенитетын туһунан декларация ылыныллыбыта. Бу историческай докумуон биһиги федеративнай судаарыстыбалыын биир ньыгыл сомоҕобутун, улуу Арассыыйа быстыспат сорҕото буолан сайдар оҥкулбутун түстээбитэ. Судаарыстыбаннас күнэ – Сахабыт сирин бары олохтоохторун сомоҕолуур бырааһынньык! Билигин Аан дойдубутугар биллэриллибит хомуурга биһиги улууспут, сахабыт сирин дьоно күүспүтүн түмэр, төрөөбүт дойдубут дьылҕатыгар кыттыгастаахпытын санатар өссө биир тоҕоостоох төрүөт. Эһиэхэ барыгытыгар дьолу-соргуну, уйгулаах олоҕу, сыалы-соругу ситиһиини, дойдубут сайдарын туһугар кыайыылаах-хотуулаах үлэни баҕарабыт!