27 сентября 2022

Эһигини бука барыгытын Саха сиригэр урбаанньыт күнүнэн итиитик- истиҥник эҕэрдэлиибит. Олохпут тэтимин кытта тэҥҥэ, урбаан эйгэтэ нэһилиэнньэҕэ бары өттүнэн туһалаах табаардары атыылаан, өҥөлөрү оҥорон, экэниэмикэ биир тутаах салаатын быһыытынан үүнэр-сайдар. Биһиги улууспут урбаанньыттара билигин буола турар кэмҥэ араас ыарахаттартан толлубакка, санкцияҕа, баттааһыҥҥа бэриммэккэ үлэҕитин салгыыргыт эһиги күүстээх санааҕытын көрдөрөр. Урбаан эйгэтигэр бары өттүнэн кэм ирдэбилигэр сөп түбэһэр, айымньылаах толкуйдаах дьон үлэлиир диэн саныыбыт. Биһиги улууспутугар урбаанньыттарбыт ханнык да тэрээһинтэн туора турбакка, барытыгар күүс-өйөбүл буолалларыгар барҕа махталбытын тиэрдэбит.